Залуус их хотод өнгө нэмэх “Clean Up- Bubble Festival” төслийг хэрэгжүүлж эхэллээ

Та яг одоо МУБИС-ын урд явж байвал "Cocа Cola" хэмээх сурталчилгаатай нүхэн гарц хэрхэн өнгө орсныг харж болно. Учир нь хэсэг залуус их хотын саарал өнгийг угааж цэвэрлэх “Clean Up- Bubble Festival” төслийг хэрэгжүүлж эхэлсэн нь энэ юм.

Тэд өнөөдөр нүхэн гарцын хоёр бөмбөгөрийг угааж цэвэрлэсэн бөгөөд цаашдаа Улаанбаатар хотод байрших 600 хүүхдийн тоглоомын талбайг цэвэрлэхээр төлөвлөжээ. Эдгээр залуучуудыгаа дэмжин, нийслэлд үйл ажиллагаа явуулж байгаа байгууллага, иргэн бүр өөрийн үүд хаалга, хашаа хайсаа угааж эхэлнэ гэдэгт итгэлтэй байна.