Монголын далбаа "Маракана" цэнгэлдэх хүрээлэнд намирлаа

"Рио 2016" нь оролцож буй орон болон тамирчны тоогоор өмнөх олимпийн наадмуудын амжилтуудыг эвдэж байгаараа онцлог юм. Тухайлбал, тус наадамд дэлхийн 206 орны үндэсний Олимпийн хороо, 11239 тамирчин оролцож байна. Мөн Өмнөд Судан, Косовогийн тамирчид анх удаа олимпийн наадамд оролцож буй юм. Дэлхийн улс орнуудын баг тамирчид төрийн далбаагаа намируулсаар цэнгэлдэх хүрээлэнд орж ирсээр байна. Манай улсын баг тамирчид ч төрийн далбаагаа мандуулан "Маракана" цэнгэлдэх хүрээлэнд орж ирсэн юм.