Монголбанк Японы санхүүгийн үйлчилгээний агентлагтай хамтарна

Монголбанкны Ерөнхийлөгч Н.Золжаргал, Япон улсын Санхүүгийн үйлчилгээний агентлагийн дарга ноён Р.Хатанака нар харилцан мэдлэг, туршлага солилцох зорилтын хүрээнд зургаадугаар сарын 25-ны өдөр хамтын ажиллагааны санамж бичиг байгуулжээ.

Дэлхийн санхүүгийн зах зээлийн даяарчлалын өнөө үед энэхүү санамж бичиг нь санхүүгийн зохицуулалтын тогтолцоог сайжруулж, санхүүгийн зах зээлийг хөгжүүлэх чиглэлээр хоёр байгууллагын хамтын ажиллагааг өргөжүүлэхэд чухал ач холбогдолтой бөгөөд цаашид тус чиглэлээр мэдлэг, туршлага солилцож ажиллахаар болсон байна.