Мэргэжлийн байгууллагуудын эрхийг хүчингүй болголоо

Засгийн газрын 2006 оны 137 дугаар тогтоолоор батлагдсан “Аж ахуйн нэгж, байгууллагад байгаль орчны мэргэжлийн байгууллагын эрх олгох журам”-ыг үндэслэн БОНХ-ийн cайд тушаал гаргаж зарим ойн мэргэжлийн байгууллагын эрхийг хүчингүй болголоо.

Уг тушаалаар БЗД-ийн “Бужгар адуу” ХХК, Хөвсгөл аймгийн Бүрэнтогтох сумын “Дугуй мод”, Булган аймгийн Хангал сумын “Охь булаг”, Сэлэнгэ аймгийн Хүдэр сумын “Хүдэр өсөх” ХХК-иуд эрхээ хасууллаа.

БОНХЯ, Нийслэлийн БОНХГ, Хөвсгөл аймгийн БОГ, Мэргэжлийн хяналтын ерөнхий газар, Цагдаагийн ерөнхий газрын Зохион байгуулалттай гэмт хэрэгтэй тэмцэх хэлтсийн шалгалтын дүн, дүгнэлтийг үндэслэн уг тушаалыг гаргасан байна.