COP17: Орон нутгийн иргэдэд зориулсан бүсчилсэн зөвлөлдөх уулзалт Төв аймгаас эхэллээ

Цөлжилттэй тэмцэх тухай НҮБ-ын конвенцын Талуудын 17 дугаар бага хурлын (КOP17) бэлтгэл ажлын хүрээнд сум, орон нутгийн иргэдэд зориулсан бүсчилсэн зөвлөлдөх уулзалт Төв аймгаас эхэллээ.

НҮБ-ын Хүнс, хөдөө аж ахуйн байгууллага (FAO) болон "Дэлхийн зөн" олон улсын байгууллагын хамтран зохион байгуулж буй уулзалтаар бүс нутгийн хөгжил, байгаль орчны тулгамдсан асуудал, хамтын ажиллагаа, хөрөнгө оруулалтын боломжууд болон COP17-д орон нутгийн иргэдийн оролцоог идэвхжүүлэх талаар хэлэлцэж байна.