“ABU РОБОКОН 2025 ULAANBAATAR” олон улсын тэмцээний финалын тоглолтод Япон, Хонгконгийн баг шалгарлаа

Монгол Улсын Ерөнхийлөгч У.Хүрэлсүхийн ивээл дор “ABU РОБОКОН 2025 ULAANBAATAR” олон улсын тэмцээний феналын тоглолтод Япон, БНХАУ-ын засаг захиргааны онцгой бүс Хонгконгийн багууд шалгарлаа.

Тус тэмцээнд Энэтхэг, Индонез, Япон, Малайз, Монгол, Непал, Шри Ланка, Тайланд, Вьетнам, Камбож, Египтет, Фижи улсын болон БНХАУ-ын засаг захиргааны онцгой бүс Хонгконгийн багууд оролцсон. Эдгээр багуудаас хагас шигшээд Монгол Улсын дугаар баг, Япон, Вьетнам, БНХАУ-ын засаг захиргааны онцгой бүс Хонгконгийн багууд шалгарсан.

Энэ жилийн “ABU Robocon 2025 Ulaanbaatar” тэмцээн “Хамтын зүтгэл – Үнэмлэхүй амжилт” уриан дор зохион байгуулагдаж буйгаараа онцлогтой юм.

Тэмцээний шүүгчийн зөвлөлд Монгол, Япон, Вьетнамнийт 5 шүүгч байх бол талбайн шүүгчээр Монгол, Япон, Хонконгийн нийт 11 шүүгч ажиллаж байна.